தூத்துக்குடி: மாவட்ட காவல் கண்காணிப்பாளர் சிலம்பரசன் விடுத்துள்ள அறிவிப்பில், தூத்துக்குடி மாவட்டத்தைச் சேர்ந்த தகுதியுள்ள இளைஞர்கள் ஊர்க்காவல் படையில் சேர அழைப்பு விடுக்கப்பட்டுள்ளது.
காலிப்பணியிடங்கள் விவரம்:
ஊர்க்காவல் படை: 22 இடங்கள் (19 ஆண்கள், 3 பெண்கள்).
மீனவ இளைஞர் ஊர்க்காவல் படை: 5 இடங்கள் (ஆண்கள் மட்டும்).
மொத்த இடங்கள்: 27
யாரெல்லாம் விண்ணப்பிக்கலாம்?
கல்வித் தகுதி: 10-ம் வகுப்பு தேர்ச்சி பெற்றிருக்க வேண்டும்.
வயது வரம்பு: 18 முதல் 45 வயதிற்குள் இருக்க வேண்டும்.
மீனவ இளைஞர்களுக்கு: கடலில் நன்றாக நீச்சல் அடிக்கத் தெரிந்திருக்க வேண்டும் மற்றும் மீனவர் அடையாள அட்டை வைத்திருப்பது அவசியம்.
விண்ணப்பிக்கத் தேவையான ஆவணங்கள்:
சுயவிவரக் குறிப்பு (Biodata).
கல்வி மற்றும் வயது சான்றிதழ்களின் நகல்கள்.
பாஸ்போர்ட் அளவு புகைப்படங்கள் (2).
உங்கள் முகவரி எழுதப்பட்ட அஞ்சல் அட்டை.
விண்ணப்பிக்கும் முறை:
மேற்கண்ட ஆவணங்களுடன் கூடிய விருப்ப மனுவை வரும் 12.02.2026-ம் தேதிக்குள், தூத்துக்குடி மில்லர்புரத்தில் உள்ள ஆயுதப்படை காவல் அலுவலகத்தில் நேரில் சமர்ப்பிக்க வேண்டும்.
முக்கிய குறிப்பு: உங்கள் மனுக்கள் பரிசீலிக்கப்பட்ட பிறகு, தகுதியானவர்களுக்கு அஞ்சல் அட்டை மூலம் தேர்வு தேதி அனுப்பி வைக்கப்படும்.
